Ինտերնետում է հայտնվել նոր iOS 7-ի առաջին լուսանկարը
Ինտերնետում վերջին ամիսներին բազմաթիվ անգամ տեղեկություններ էին տարածվում այն մասին, որ Apple ընկերության գլխավոր դիզյաներ Ջոն Էյվը ամբողջովին փոխել է iOS բջջային օպերացիոն համակարգի դիզայնը: Վերջապես հնարավոր է տեսնել, թե ինչպիսի տեսք ունի այդ ամենը, գրում է computerra.ru-ն:
iDownloadBlog բլոգում հայտնվել է մի սարքավորման լուսանկար, որում տեղադրված է iOS 7 օպերացիոն համակարգ: Իհարկե, դրա հավաստիությունը դժվար է ստուգել, սակայն, շատերն այն կարծիքին են, որ դա իսկապես նոր օպերացիոն համակարգի տեսքն է:
Ի դեպ, 9to5Mac հրատարակչության թվիթերի էջում գրված է, որ այն պահից, երբ արվել է այդ լուսանկարը, շատ բան է փոխվել:
