«Հզբոլլահը» պատրաստվում է Ասադի բանակի հետ Հալեպի համար առաջիկա խոշոր ճակատամարտին
Լիբանանյան Akhbar Press պարբերականի փոխանցմամբ՝ «Հզբոլլահը» հատուկ նշանակություն չի տալիս «Ալ-Քուսեյրի» համար մղվող ճակատամարտին և դա դիտարկում է որպես «Հալեպի համար մեծ ճակատամարտ տանող պիկնիկ»:
Այս մասին հայտնել են «Հզբոլլահում» պարբերականի ունեցած աղբյուրները: Վերջիններիս պնդմամբ՝ «Հզբոլլահը» պատրաստվում է սիրիական բանակի հետ համատեղ մեծ ճակատամարտ մղել Թուրքիայի սահմանի մոտ:
Այդ ճակատամարտի նպատակը ջիհադական խմբավորումներին Թուրքիայում իրենց մատակարարման հիմնական բազաներից կտրելն է և Թուրքիայից Սիրիայի տարածք ահաբեկիչների մուտք գործելը կանխելը:
Աղբյուրը չի հայտնել կոնկրետ օպերացիայի մասին, ինչպես նաև այն մասին, թե սիրիական բանակի ու «Հզբոլլահի» որ ստորաբաժումներն են մասնակցելու դրան:
