Տեղեկությունը հաստատվում է. Յուրի Վարդանյանը կնշանակվի Սպորտի նախարար
Համացանցում տեղեկատվություն էր տարածվել, որ աշխարհահռչակ ծանրամարտիկ, օլիմպիական չեմպիոն, իսկ վերջին տարիներին` ՀՀ նախագահ Սերժ Սարգսյանի խորհրդական Յուրի Վարդանյանն այսօր նշանակվելու է ՀՀ Սպորտի և երիտասարդության հարցերով նախարար:
Այս լուրը փորձեցինք ճշտել Յուրի Վարդանյանից, ում օգնական Անի Հայրապետյանը 168.am-ի հետ զրույցում հաստատեց այդ տեղեկությունը:
Հիշեցնենք, որ այսօր իշխող Հայաստանի Հանրապետական կուսակցության (ՀՀԿ) Գործադիր մարմնի նիստում որոշվելու է ՀՀ նոր կառավարության կազմը: 168.am-ն արդեն տեղեկացրել է , որ ՀՀ գործադիր մարմնի կազմը կրելու է աննշան փոփոխություններ:
