Ադրբեջանում նախկին նախագահները կազատվեն վարչական պատասխանատվությունից
Ադրբեջանական APA լրատվական գործակալության փոխանցմամբ՝ Ադրբեջանում նախկին նախագահն ու նրա կինը (ամուսինը) ազատվելու են վարչական պատասխանատվությունից: Այս մասին գործակալությանը հայտնել են խորհրդարանից:
Դրա հետ կապված՝ վարչական իրավախախտումների մասին օրենսգրքում մտցվել է նոր հոդված: 7.1-1 հոդվածն Ադրբեջանի նախկին նախագահներին ու նրանց կանանց (ամուսիններին) ապահովում է անձեռնմխելիությամբ՝ կապված վարչական պատասխանատվության ենթարկվելու հետ:
Նախագիծն արդեն իսկ հավանության է արժանացել խորհրդարանի Իրավական քաղաքականության ու պետականաշինության հանձնաժողովի կողմից և ուղարկվել է խորհրդարանի լիագումար նիստի դիտարկմանը:
Հիշեցնենք, որ Ադրբեջանի խորհրդարանի լիագումար նիստի դիտարկմանն է ուղարկվել նաև վարչական պատիժների խստացման մասին օրինագիծը:
