Հանձնաժողովի նախագահը հրաժարվել է արձանագրություն կազմել
Մալաթիա-Սեբաստիա վարչական շրջանի թիվ 07/13 ընտրատեղամասում ժամը 10:30-ի սահմաններում մի տղամարդ եկել է քվեարկության, որի անձնագրի մեջ օքսիդացող կնիքը կարծես միտումնավոր մաքրված լիներ: «Ազաքելություն» կուսակցության վստահված անձ Տիգրան Նաղդալյանը հանձնաժողովի նախագահի ուշադրությանն է հրավիրել այդ հանգամանքը՝ պահանջելով արձանագրել այդ փաստը: Սակայն հանձնաժողովի նախագահը հրաժարվել է արձանագրել՝ ասելով, թե ընտրողը եկել է տեղամաս և ինքն իրավունք չունի նրան թույլ չտալու, որպեսզի կատարի իր ընտրությունը:
Հանձնաժողովի նախագահն ասել է, որ եթե խախտում կա, ապա դա պետք է պարզեն ԿԸՀ-ն ու ՀՀ գլխավոր դատախազությունը, սակայն այդպես էլ որևէ արձանագրություն չի կազմել:
Տղամարդն ընտրել ու դուրս է եկել տեղամասին:
