Ինչպես գողանալ միլիոն. արտաշատյան տարբերակ
Օրավարձով աշխատողը իր տանտիրոջ ննջասենյակից մեկ միլիոնի ոսկեղեն է գողացել։ Այս մասին տեղեկացնում է ՀՀ ոստիկանության պաշտոնական կայքը։
Մայիսի 2-ին, ժամը 21.40-ին, 1947 թ. ծնված Գեղանուշ Ս.-ն ոստիկանության Արտաշատի բաժնում հաղորդում է տվել, որ 1993 թ. ծնված Գառնիկ Պ.-ն օրավարձով աշխատելով իրենց տանը՝ ապրիլի 15-ից մայիսի 2-ն ընկած ժամանակահատվածում ննջասենյակի պահարանի զարդատուփից գողացել է ոսկյա զարդեր` պատճառելով մոտ 1.000.000 դրամի նյութական վնաս:
Նույն օրը, ժամը 22.00-ին, Գառնիկ Պ.-ն բերման է ենթարկել բաժին և խոստովանել կատարածը:
Կատարվում է նախաքննություն:
