Հռոմի պապը կոչ է արել պայքարել գործազրկության դեմ
Ռուսական Interfax լրատվական գործակալության փոխանցմամբ՝ Հռոմի պապի Ֆրանցիսկոսն այսօր հայտարարել է, որ բոլոր երկրների ղեկավարները պետք է չափազանց մեծ ուշադրություն դարձնեն գործազրկության դեմ պայքարին.
«Ես քաղաքական գործիչներին կոչ եմ անում անել ամեն ինչ՝ ստեղծելու համար նոր աշխատատեղեր»: Պապի կարծիքով՝ գործազրկությունն առաջանում է այն դեպքում, երբ պետության տնտեսական քաղաքականությունն իրականացվում է առանց սոցիալական արդարության սկզբունքների հաշվի առնման:
Հռոմի պապի այս հայտարարությունն արվել է Աշխատավորների միջազգային աջակցության օրվա կապակցությամբ:
Հիշեցնենք, որ մարտին եվրոգոտու երկրներում գրանցվել էր գործազրկության ռեկորդային մակարդակ:
