Ուինսթոն Չերչիլը պատկերված կլինի բրիտանական նոր թղթադրամի վրա
BBC-ի փոխանցմամբ` Անգլիայի բանկը հայտնել է, որ 2016 թվականին շրջանառության մեջ են դրվելու նոր` 5 ֆունտանոց, թղթադրամները, որոնցում պատկերված կլինի Ուինսթոն Չերչիլը: Վերջինս ընտրվել է որպես ողջ ազատ աշխարհի հերոս:
Ներկայումս այդ թղթադրամի վրա պատկերված է հանրահայտ գործիչ Էլիզաբեթ Ֆրայը: Բրիտանական թղթադրամների հակառակ կողմում ավանդաբար պատկերված են հայտնի քաղաքական գործիչները, որոնք էական դեր են խաղացել երկրի պատմության մեջ:
Այս կամ այն թղթադրամի վրա այս կամ այն գործչի տեղակայման մասին որոշումը վերջին հաշվով ընդունում է Անգլիայի բանկի ղեկավարը, թեև հասարակությունը կարող է արտահայտվել այդ կապակցությամբ:
