Զուրաբ Աբաշիձեի ու Գրիգորի Կարասինի հաջորդ հանդիպումը տեղի կունենա հունիսի սկզբին
Новости-Грузия լրատվական գործակալության փոխանցմամբ՝ Վրաստանի վարչապետի՝ Ռուսաստանի հետ հարաբերությունների կարգավորման գծով հատուկ ներկայացուցիչ, Ռուսաստանում Վրաստանի նախկին դեսպան Զուրաբ Աբաշիձեի և Ռուսաստանի փոխարտգործնախարար Գրիգորի Կարասինի հաջորդ հանդիպումը պետք է տեղի ունենա հունիսի սկզբին:
Այս մասին հայտնել է Ռուսաստանի ԱԳՆ-ը՝ երկու երկրների ներկայացուցիչների միջև կայացած հեռախոսազրույցի արդյունքների հիման վրա: Ռուսաստանի ԱԳՆ-ի հաղորդմամբ՝ այդ հեռախոսազրույցը կայացել է երեկ, որի ժամանակ կողմերը կարծիքներ են փոխանակել երկկողմանի հարաբերությունների մի շարք ոլորտներում առկա դրության ու փոխգործակցության շուրջ:
