Իրանի միանգամից 5 նահանգում տեղի են ունեցել երկրաշարժեր
Իրանական IRNA լրատվական գործակալության փոխանցմամբ`երեկ ժամը 23.00-ից մինչև այսօր առավոտ Իրանի հինգ նահանգում տեղի են ունեցել երկրաշարժեր:
4.1 մագնիտուդ ուժգնությամբ ստորերկրյա ցնցումները գրանցվել են Բուշեհրի նահանգի Բորդհուն քաղաքում, Սպահանի նահանգի Հաբիբաբադ քաղաքում, 3.5 մագնիտուդ ուժգնությամբ ստորեկրյա ցնցումները` Բուշեհրի նահանգի Կակի և Աբդան քաղաքներում, Գիլանի նահանգի Բարասար քաղաքում ու Արդեբիլի նահանգի Կիվի քաղաքում:
Ստորերկրյա ցնցումներն ամենաշատը զգացվել են Ֆարս նահանգի Ահլ վայրում: Այստեղ ստորերկրյա ցնցումների ուժգնությունը կազմել է 5 մագնիտուդ: Տուժածներ ու ավերածություններ չկան:
