Հայ և ադրբեջանցի պատգամավորները հանդիպելո՞ւ են Ստրասբուրգում
Ռուսական Regnum լրատվական գործակալության փոխանցմամբ՝ ԵԽԽՎ գարնանային նստաշրջանի շրջանակներում պլանավորված է հայկական և ադրբեջանական պատվիրակությունների հանդիպում:
Այս մասին լրագրողների հետ զրույցում հայտարարել է ԵԽԽՎ-ում ադրբեջանական պատվիրակության ղեկավար Սամեդ Սեիդովը: Նա հաստատել է, որ ադրբեջանական պատվիրակությունը մտադիր է հանդիպում անցկացնել ԵԽԽՎ-ի՝ Լեռնային Ղարաբաղի գծով ենթահանձնաժողովի շրջանակներում:
Նա հավելել է, որ պլանավորված են են հանդիպումներ թե՛ պատվիրակությունների ղեկավարների մակարդակով, թե՛ ամբողջական կազմով: ԵԽԽՎ գարնանային նստաշրջանը Ստրասբուրգում կայանալու է ապրիլի 22-26-ին:
