2015 թվականին ընդառաջ ԱՄՆ կոնգրեսի օրակարգում կհայտնվի Հայոց ցեղասպանության ճանաչման նոր օրինագիծ
Թուրքական HaberA կայքի փոխանցմամբ՝ 2015 թվականին Հայոց ցեղասպանության 100-րդ տարելիցին ընդառաջ Հայկական սփյուռքը պատրաստում է «նոր խաղ»: Խոսքը գնում է ԱՄՆ կոնգրեսի օրակարգում Հայոց ցեղասպանության մասին նոր օրինագիծ բերելու մասին: Այն պատրաստելու են փորձագետները, իսկ դրա հաջողությանը նպաստելու են լոբբիստական կազմակերպությունները:
ԱՄՆ կոնգրեսի Ներկայացուցիչների պալատի անդամ, ԱՄՆ կոնգրեսում Հայ-ամերիկյան բարեկամության խմբի անդամ Սթիվ Քոհենը «Ամերիկայի ձայն» ռադիոկայանին տված հարցազրույցում հայտարարել է, որ «Արաբական գարունը» հանգեցրել է Թուրքիայի դերակատարության մեծացմանը:
Նա հավելել է, որ Հայոց ցեղասպանության 100-րդ տարելիցին ընդառաջ ԱՄՆ-ում ազդեցիկ Հայկական սփյուռքը վերստին Կոնգրեսի օրակարգ կբերի Հայոց ցեղասպանության ճանաչման նոր օրինագիծ: Քոհենն ուշադրություն է հրավիրել նրա վրա, որ դա որոշակի ժամանակ բավական բացասաբար է ազդելու թուրք-ամերիկյան հարաբերությունների վրա:
