Էհուդ Բարաքը մայիսի սկզբին կայցելի Ադրբեջան
Ադրբեջանական APA լրատվական գործակալության փոխանցմամբ՝ 1999-2001 թվականներին Իսրայելի վարչապետ, իսկ 2009-2013 թվականներին Իսրայելի փոխվարչապետ և պաշտպանության նախարար Էհուդ Բարաքը մայիսի սկզբներին այցելելու է Ադրբեջան:
Բարաքը մասնակցելու է մայիսի 6-8-ին Բաքվում կայանալիք Հարավկովկասյան ֆորումին: Բարաքը ելույթ է ունենալու տվյալ ֆորումում: Ընդհանուր առմամբ, այդ ֆորումին մասնակցելու են մոտ 50 երկրի ներկայացուցիչներ:
