ԵԱՀԿ Մինսկի խմբի համանախագահները ժամանել են Ադրբեջան
Ադրբեջանական APA լրատվական գործակալության փոխանցմամբ՝ ԵԱՀԿ Մինսկի խմբի համանախագահներ Ժակ Ֆորը (Ֆրանսիա), Իգոր Պոպովը (Ռուսաստան) և Յան Կելին (ԱՄՆ) գտնվում են Ադրբեջանում:
Համանախագահներն ապրիլի 3-ին կհանդիպեն Ադրբեջանի ղեկավարության հետ, որում կքննարկեն Ղարաբաղյան հակամարտության հետագա կարգավորումը, ինչպես նաև ոչ վաղ անցյալում Փարիզում Հայաստանի ու Ադրբեջանի արտգործնախարարների հետ համանախագահների հետ հանդիպման արդյունքները:
Ակնկալվում է, որ ապրիլի 4-ին համանախագահները կհատեն շփման գիծը և կմեկնեն ԼՂՀ: Նշվում է, որ համանախագահները մարտի 19-ին այցելել են Ստեփանակերտ, իսկ մարտի 20-ին՝ Երևան:
