Իրանի Կասպյան նավատորմը համալրվելու է սուզանավերով ու անօդաչու թռչող սարքերով (տեսանյութ)
Իրանական Fars լրատվական գործակալության փոխանցմամբ՝ Իրանի պաշտպանության նախարար Ահմադ Վահիդին ներկա է գտնվել Կասպից ծովում «Ջամարան 2» էսկադրոնային ականակրի շահագործման հանձնման արարողակարգին:
Իր ելույթում Վահիդին հայտարարել է, որ Իրանը պլանավորել է Կասպից ծովում գործելու նպատակով կառուցել նոր սուզանավեր ու անօդաչու թռչող սարքեր: Վահիդին ընդգծել է, որ Իրանը պատրաստ է Կասպից ծովում ձևավորել ընդհանուր զինված ուժեր՝ տարածաշրջանի անվտանգության ապահովման նպատակով:
2010 թվականի փետրվարին Պարսից ծոցում ջուրն է իջեցվել իրանական «Ջամարան 1» էսկադրոնային ականակիրը: Իսկ ահա «Ջամարան 2»-ի պատրաստման ժամանակ կիրառվել են նոր սերնդի տեխնոլոգիաներ, և այն առավել կատարելագործված է՝ իր նախորդի հետ համեմատ:
