Պատրաստ եմ Ռեալի հետ հանդիպմանը. Ռունի
«Մանչեսթեր Յունայթեդի» հարձակվող Ուեյն Ռունին խոսել է «Ռեալի» հետ առաջիկա հանդիպման մասին։ Հարձակվողը նշել է, որ իր թիմն առաջիկա հանդիպմանը կներկայանա թարմ և հանգստացած վիճակում, ինչը հնարավոր է դարձել կազմի ռոտացիայի շնորհիվ։
«Նախորդ մրցաշրջանների պես այդքան էլ շատ հանդիպում չեմ անցկացրել, ուստի ինձ թարմ և հանգստացած եմ զգում։ Պատրաստ եմ «Ռեալի» հետ առաջիկա հանդիպմանը։ Մարզչական շտաբը կազմի ակտիվ ռոտացիայի է դիմել, ուստի «Յունայթեդը» խաղին կներկայանա լի ուժերով։ Ոչ բոլոր թիմերը կարող են իրենց թույլ տալ երկու հավասարազոր կազմեր, ուստի մրցաշրջանի վերջում նրանք ձախողվում են։ Մեզ այդպիսի բան չի սպասվում»,- Անգլիայի հավաքականի հարձակվողի խոսքերն է մեջբերում Sky Sports-ը։
Մարզական լրահոսն ապահովում է SportArmenia.com-ը
