Բիձինա Իվանիշվիլին փոխել է Պետական պահպանության հատուկ ծառայության ղեկավարին
Ադրբեջանական Trend լրատվական գործակալության փոխանցմամբ՝ Վրաստանի Պետական պահպանության հատուկ ծառայության ղեկավար է նշանակվել Անզոր Չուբինիձեն: Նրա նշանակման հրամանը ստորագրել է Վրաստանի վարչապետ Բիձինա Իվանիշվիլին:
Չուբինիձեն այդ պաշտոնում փոխարինել է Թեյմուրազ Ջանաշիային: Փետրվարի սկզբից Պետական պահպանության հատուկ ծառայությունը նախագահից անցել է վարչապետի ենթակայության ներքո: Խորհրդարանն այդ ուղղումն ընդունել է նախագահի լիազորությունների սահմանափակման շրջանակներում:
Նախագահին թողնվել է միայն անձնական թիկնազորի ծառայությունը:
