Ադրբեջանում լրագրող է ձերբակալվել
Ադրբեջանական Turan լրատվական գործակալության փոխանցմամբ՝ այսօր ձերբակալվել է Azadliqnews.tv-ի աշխատակից Դայանաթ Մամեդովը: Լրագրողը նկարահանել է Բաքվի մետրոպոլիտենի մուտքի մոտ առաջացած հրմշտոցը և ձերբակալվել է մետրոպոլիտենի ոստիկանության աշխատակիցների կողմից:
Azadliqnews.tv-ի խմբագիր Աֆղան Մուխթարլըն հայտարարել է, որ լրագրողին հաջողվել է հեռախոսով հայտնել, որ իրեն ձերբակալել են, ինչից հետո նրա հեռախոսն անջատվել է: Ադրբեջանի ՆԳՆ-ի մամուլի ծառայությունը հայտարարել է, որ իրենք հետաքննում են լրագրողի ձերբակալման մասին տեղեկատվությունը:
