Սկլերոզի դեմ դեղամիջոցներն օգտակար են նաև քաղցկեղի բուժման համար
«Ֆինգոլիմոդ» դեղամիջոցը, որն օգտագործվում է ցրված սկլերոզի բուժման համար, կարող է դանդաղեցնել քաղցկեղի զարգացումը, որը կապված է կոլիտի հետ (հաստ աղու բորբոքում): Այս եզրակացությանն են հանգել ամերիկացի գիտնականները՝ նշելով, որ սկսելու են կլինիկական հետազոտություններ անցկացնել՝ ապացուցելու համար նշված դեղամիջոցի էֆեկտիվությունը հաստ աղու քաղցկեղով հիվանդների վրա: Այս մասին գրում է rbc.ru-ն՝ հղում անելով Medical Xpress-ին:
Ըստ գիտնականների՝ հաստ աղու քաղցկեղը մահացության հիմնական պատճառներից մեկն է: Նրանք հույս են հայտնել, որ նշված բացահայտումը դրա առավել արդյունավետ բուժման միջոցների մշակման հնարավորություն կտա:
