ՀՀ-ին ուղարկված մարդասիրական օգնության ծավալներով առաջին տեղում Չինաստանն է

Ըստ ՀՀ կառավարությանն առընթեր պետական եկամուտների կոմիտեի կողմից տրամադրած բեռնամաքսային հայտարարագրերի տվյալների, 2012թ.  հունվար-հոկտեմբերին մարդասիրական օգնության կարգով, ՀՀ են ներմուծվել 4 237.1 տոննա ապրանքներ, որոնց արժեքը կազմել է 21 071.8  մլն.  դրամ կամ 52.9  մլն.  դոլար:

Նախորդ տարվա նույն ժամանակահատվածի համեմատ մարդասիրական օգնության ծավալներն աճել են 3.8-ով։

Ստացված օգնության 30.6%-ը կազմել են քիմիայի և դրա հետ կապված արդյունաբերության ճյուղերի արտադրանքը, 22.7%-ը` վերգետնյա,  օդային և ջրային տրանսպորտի միջոցները, 9.3%-ը`  մանածագործական իրերը, 9.0%-ը`տարբեր արդյունաբերական ապրանքները, 8.8%-ը`  սարքեր և ապարատները,  իսկ 19.6%-ը` մնացած ապրանքները:

Հայաստանին ուղարկված մարդասիրական օգնության ծավալներով առաջին տեղում Չինաստանն է՝ 16.2 միլիոն դոլար (30.7%)։

Երկրորդ խոշոր նվիրատուն ԱՄՆ-ն է՝ 11 միլիոն դոլարով (20.8%)։ Հաշվետու ժամանակահատվածում մեծ ծավալի՝ 4.4 միլիոն դոլարի օգնություն է ստացվել նաև Շվեյցարիայից։

Ավելացնենք, որ Ռուսաստաինց այս ընթացքում Հայաստան է մատակարարվել 377.3 հազար դոլարի մարդասիրական օգնություն, որն ընդհանուր ծավալի 0.7%-ն է։