Բռնցքամարտ. Երևան է ժամանել 70 երկրի 650 ներկայացուցիչ

ՀՀ  բռնցքամարտի ֆեդերացիան վերջին տարիներին  լուրջ աշխատանքներ է տանում մարզաձևը  զարգացնելու և երկրի մարզերում տարածելու ուղղությամբ :

Ֆեդերացիայի  նախաձեռնությամբ  /նախագահ ` Արման Մուրադյան /  Հայաստանը դարձել է  խոշոր մրցաշարերի կազմակերպիչ երկիր :  2009 թ. առաջին անգամ մեզանում  անցկացվեց աշխարհի պատանեկան առաջնություն : Եվ ահա Կարեն Դեմիրճյանի անվան մարզահամերգային համալիրի գլխավոր մրցասպարեզը   դառնում է ավելի խոշոր ` աշխարհի բռնցքամարտի երիտասարդական առաջնության վայր : Այդ կապակցությամբ մեր մայրաքաղաք են ժամանել  շուրջ 70 երկրների  650 ներկայացուցիչներ :

Հայաստանի հավաքականի ավագ մարզիչ , վաստակավոր մարզիչ Դերենիկ  Ոսկանյանը  ռինգ կուղեկցի 10 մարզիկների : Մեր թիմը մարտականորեն է տրամադրված, և հուսանք , որ տղաները կարդարացնեն սպասելիքները :

Առաջնության բացման հանդիսավոր արարողությունը տեղի կունենա  նոյեմբերի   28-ին: Հաջորդ օրը  իրենց ունակությունները կսկսեն դրսևորել մասնակիցները :

Հայաստանի մարզական դրոշի պատիվը կպաշտպանեն հետևյալ երիտասարդ վարպետները  .   Հայրիկ  Նազարյան  / 49 կգ , Գավառ / ,     Հենրիկ Մոքոյան / 52 կգ , Երևան / , Տարոն Սողոմոնյան / 56 կգ , Զովունի / , Արման Դարչինյան / 60 կգ ,   Վանաձոր / ,  Գոռ Երիցյան / 64 կգ , Երևան / , Յուրա Միքայելյան /  69 կգ , Գյումրի  / ,  Արտավազդ  Հարոյան   / 75 կգ ,   Գյումրի / , Նիկոլ Հարությունով / 81 կգ , Աբովյան / , Ռաֆայել Սիմոնյան / 91 կգ , Վանաձոր / , Նարեկ Մելքոնյան / + 91 կգ , Էջմիածին /:

Հավելենք , որ  մրցաշարի կազմակերպիչների թվում է  նաև Հայաստանի ազգային օլիմպիական կոմիտեն և ՀՀ  սպորտի ու երիտասարդության հարցերի նախարարությունը : Այս մասին տեղեկացնում է ՀԱՕԿ –ի լրատվության բաժինը:

Մարզական լրահոսն ապահովում է SportArmenia.com-ը