Ուշադրություն չենք դարձնում Մոուրինյոյի արած մեկնանաբանություններին. Խորդի Ալբա
«Բարսելոնայի» պաշտպան Խորդի Ալբան հայտարարել է, որ կատալոնացիները փորձում են չարձագանքել «Ռեալի» գլխավոր մարզիչ Ժոզե Մոուրինյոյի խոսքերին։
«Ուշադրություն չենք դարձնում Մոուրինյոյի արած մեկնանաբանություններին։ Չգիտեմ`«Ռեալի» մարզիչը նկատի ուներ մեզ, երբ ասում էր, որ որոշ թիմեր օրացուցային առավելություն ունեն։ Ես մտածում եմ միայն «Բարսայի» մասին, քանի որ լավ թափ ենք հավաքել։
«Ռեալը» չի հանձնվի, նրանք մինչև վերջ պայքարելու են։ Սա շատ կարևոր մրցաշար է, և մադրիդցիները կփորձեն նվաճել բոլոր տիտղոսները»,- Ալբայի խոսքերն է մեջբերում AS-ը։
Մարզական լրահոսն ապահովում է SportArmenia.com-ը
