Կապարոս. Մեսսին կարող է չխաղալ Մալյորկայի հետ քաղաքացիության պատճառով
«Մալյորկայի» գլխավոր մարզիչ Խոակին Կապարոսը խոսել է Իսպանիայի առաջնության 11- րդ տուրի «Բարսելոնայի» հետ հանդիպման մասին։
«Հատուկ «հակաՄեսսի» ծրագիր չունենք։ Անկեղծ ասեմ՝ արգենտինացուն փակելու մակարդակի ֆուտբոլիստ չունենք։ Կգործենք այնպես, ինչպես կարող ենք։
Հարկավոր է թիմային խաղ ցուցադրել, իսկ դա մեզ մոտ վատ չի ստացվում։ Մեսսին մեզ հետ 9 անգամ է խաղացել և 9 գոլ խփել։ Սակայն ավանդույթները հատկություն ունեն ավարտվելու։
Մեսսիի հետ կապված ևս մեկ հույս ունեմ. որդու ծնունդից հետո նա որոշել է իսպանական քաղաքացիություն ընդունել և միգուցե հանդիպման ժամանակ զբաղված լինի այդ գործերով»,- Կապարոսի խոսքերն է մեջբերել Mundo Deportivo-ն։
Մարզական լրահոսն ապահովում է SportArmenia.com-ը
