Մոր ավելորդ քաշը`երեխայի գիրության պատճառ
Մեծ է ռիսկը, որ ավելորդ քաշ ունեցող մայրերից ծնված երեխաները ևս հետագայում ավելորդ քաշ կունենան: Ինչպես գրում է DailyMail-ը, այս եզրակացությանն են հանգել բրիտանացի գիտնականները: Վերջիններս նշում են, որ կրծքով սնուցումը կարող է փոխել այս իրավիճակը:
Հետազոտության հեղինակները համոզված են, որ ավելորդ քաշ ունենալն ու հղիության ընթացքում ծխելը մեծացնում են երեխայի՝ ավելորդ քաշ ունենալու հավանականությունը: Նրանք պնդում են, որ եթե մինչև հինգ տարեկան երեխաներն ավելորդ քաշ են ունենում, հետագայում մեծանում է նրանց՝ ճարպակալումով տառապելու հավանականությունը:
Գիտնականները նախքան նման եզրակացությունների հանգելն ուսումնասիրել են նախկինում կատարված 30 ուսումնասիրություններ, որոնք ընդգրկել են 200,000 մարդու:
