ՀՀ նախագահի կողմից արձանագրված խախտումներն ուսումնասիրվում են
ՀՀ նախագահի կողմից արձանագրված խախտումները ուսումնասիրվում են և տրված հանձնարարականների կատարման ուղղությամբ ձեռնարկվող քայլերի մասին կիրազեկենք:
Այդ մասին Pastinfo.am-ին տեղեկացրել է ՀՀ գլխավոր դատախազի մամուլի քարտուղար Սոնա Տռուզյանը:
Հիշեցնենք, որ հոկտեմբերի 29-ին դատախազությունում իրավապահ մարմինների ներկայացուցիչների մասնակցությամբ անցկացված խորհրդակցության ընթացքում ընդգծելով, որ նախաքննության խնդիրների հաջող լուծումն առավելապես պայմանավորված է այս ոլորտում դատախազական հսկողության բացառիկ գործառույթի պատշաճ իրացումով, ՀՀ Նախագահը դատախազության գործունեության մեջ առանձին հանցատեսակների դեմ պայքարում նկատելի դրական տեղաշարժի մասին խոսելուց բացի, խստորեն քննադատել է դեռևս առկա բացասական երևույթները՝ առանձին դատախազների անփութությամբ կամ չարամտությամբ պայմանավորված գործողությունները:
