Փլուզման հետևանքով տուժածներից մեկի վիճակը կայուն ծանր է
Խանջյան 20 հասցեում կիսակառույցի փլուզման հետևանքով տուժածներից մեկի վիճակը դեռևս գնահատվում է կայուն ծանր։ Առողջապահության նախարարությունից տեղեկացնում են, որ վերջինս գտնվում է «Սուրբ Գրիգոր Լուսավորիչ» բժշկական կենտրոնի վերակենդանացման բաժանմունքում: Տուժածներից հինգը շարունակում են բուժվել տարբեր բաժանմունքներում։
Հիշեցնենք, որ հոկտեմբերի 25-ին Երևանի Խանջյան 20 շենքի մոտակայքում տեղի էր ունեցել կիսակառույց շենքի փլուզում, ինչի հետևանքով տուժել էր 9 մարդ:
Տեղի ունեցած փլուզման փաստի առթիվ հարուցվել է քրեական գործ Քրեական օրենսգրքի 157-րդ հոդվածի հատկանիշներով:
