Ստեղծվում է գիտական հետազոտությունների միջպետական հիմնադրամ
ՀՀ ԿԳՆ գիտության պետական կոմիտեի նախագահը հոկտեմբերի 17-19-ը Մինսկում մասնակցել է Հիմնարար գիտությունների բնագավառում ԱՊՀ մասնակից պետությունների խորհրդի նիստին՝ որպես խորհրդի անդամ: Հիմնական քննարկվող թեմաներից է եղել ԱՊՀ մասնակից պետությունների գիտական հետազոտությունների միջպետական հիմանդրամի ստեղծումը, հիմնադրամի հիմնադիր կապիտալի չափսը, գործունեության գերակա ուղղությունները: Այս մասին 168.am-ը տեղեկանում է ՀՀ ԿԳՆ գիտության պետական կոմիտեից:
Նիստի ընթացքում քննարկվել են հիմնարար գիտությունների ոլորտում ԱՊՀ մասնակից պետությունների համագործակցության խորհրդի նախագահության, գիտատեխնիկական և նորարարական ոլորտներում միջպետական խորհուրդների փոխգործակցության վերաբերյալ հարցեր, ինչպես նաև խորհրդի 2013թ. աշխատանքային ծրագրի նախագիծը, հաջորդ նիստի անցկացման վայրը և ժամկետները:
Նշենք, որ նիստի ընթացքում Ռուսաստանի գիտությունների ակադեմիայի փոխնախագահ ակադեմիկոս Ն.Պ. Լավյորովն ընտրվել է ԱՊՀ մասնակից պետությունների համագործակցության խորհրդի նախագահ:
