ԲՀԿ-ն թեկնածու է առաջադրել
Քիչ առաջ ԱԺ ԲՀԿ խմբակցության քարտուղար Նաիրա Զոհրաբյանն ԱԺ-ում հայտարարեց, որ ԱԺ Գյուղատնտեսության և բնապահպանական հարցերով մշտական հանձնաժողովի նախագահի թափուր պաշտոնում ԲՀԿ-ն առաջադրում է Մարտուն Գրիգորյանի թեկնածությունը: «Ժառանգություն» խմբակցության պատգամավոր Զարուհի Փոստանջյանը Մ. Գրիգորյանին հարցրեց, թե նշյալ պաշտոնում ընտրվելու դեպքում կողմ կլինի՞ Թեղուտի հանքավայրի շահագործման հարցով ժամանակավոր հանձնաժողով ստեղծելուն, թե՞ ոչ, և արդյո՞ք նա միանալու է այդ նախաձեռնությանը:
«Ընտրվելու պարագայում մանրամասն այդ խնդիրները կուսումնասիրվի, և կարծում եմ, որ մենք նորմալ համագործակցություն կունենանք ու հնարավորինս կաշխատենք այդ խնդիրներին դրական լուծումներ տալ»,- ասաց Մ. Գրիգորյանը:
Զ. Փոստանջյանը Մ. Գրիգորյանին խնդրեց ավելի կոնկրետ պատասխանել` այո կամ ոչ, ինչին ի պատասխան Մ. Գրիգորյանն ասաց, թե բնապահպանների հետ հարցը կքննարկեն, որից հետո պատասխանը հստակ կլինի:
