Սարգիս Հովսեփյանը մեծ ֆուտբոլին հրաժեշտ կտա Հայաստան – Լիտվա հանդիպման ժամանակ
Արդեն տեղեկացրել ենք, որ նոյեմբերի 14-ին` ՖԻՖԱ-ի աղյուսակով պաշտոնական հանդիպումների օրը, Հայաստանի ազգային հավաքականը Երևանում կանցկացնի հերթական ընկերական հանդիպումը Լիտվայի հավաքականի հետ:
ՀՖՖ նախագահ Ռուբեն Հայրապետյանի որոշմամբ, հենց այդ հանդիպման ընթացքում տեղի կունենա Հայաստանի ազգային հավաքականի և Երևանի «Փյունիկի» երկարամյա ավագ, լեգենդար պաշտպան Սարգիս Հովսեփյանի մեծ ֆուտբոլին հրաժեշտ տալու հանդիսավոր արարողությունը: Այս մասին հաղորդում է ՀՖՖ-ի մամուլի ծառայությունը:
Մարզական լրահոսն ապահովում է SportArmenia.com-ը
