«Արմավիան» ետ է վերադարձնելու «SSJ 100» ինքնաթիռը
«Առաջին ինքնաթիռի մասով բանակցություններն ավարտված են»,-168.am-ին հայտնել է «Արմավիա» ընկերության մամուլի ծառայության ղեկավար Նանա Ավետիսովան։ 168.am-ի այն հարցին, թե արդյո՞ք բոլոր պարտքային խնդիրները գտել են իրենց լուծումները, և «Արմավիան» «Սուխոյի քաղաքացիական ինքնաթիռներ» ընկերության հետ համաձայնության է եկել, Ն.Ավետիսովան պատասխանեց. «Որոշում է կայացվել, որ մեր ընկերությունն առաջին ձեռք բերած ինքնաթիռը ետ է վերադարձնում՝ առանց խնդրի, իսկ երկրորդ ինքնաթիռի վերաբերյալ ես դեռ ոչինչ ասել չեմ կարող, քանզի որոշում դեռևս չկա»:
