100հզ եվրո` խաղի ճանապարհին գարեջուր խմելու համար
Զագրեբի «Դինամոյի» պաշտպան Դոմագոյ Վիդան, ամենայն հավանականությամբ, խմել է ամենաթանկ գարեջուրը մարդկության պատմության ընթացքում: Ակումբի ղեկավարությունը տուգանել է ֆուտբոլիստին 100 հզ եվրոյով այդ արարքի համար:
Ֆուտբոլիստը որոշել էր ըմպել գարեջուրը հենց ակումբի ավտոբուսի մեջ` Խորվաթիայի գավաթի հանդիպման ճանապարհին, տեղեկացնում է Jutarnji List-ը:
«Տեղեկացնում ենք, որ Դոմագոյ Վիդան տուգանվել է անպատշաճ պահվածքի համար, որը տեղի է ունեցել 2012թ. սեպտեմբերի 24-ին` Խորվաթիայի գավաթի 1/6 եզրափակիչ` «Վրսար» – «Դինամո» հանդիպման ժամանակ», – նշված է ակումբի պաշտոնական կայքում:
Մարզական լրահոսն ապահովում է SportArmenia.com-ը
