«Արմենիա Միջազգային Օդանավակայանները» «Արմավիային» ժամանակավորապես թույլատրել է չվերթեր իրականացնել
Քիչ առաջ հայտարարությամբ հանդես եկավ «Արմենիա Միջազգային Օդանավակայաններ» ընկերությունը:
Հայտարարությունում ասված է. «Թեպետ «Արմավիա» ավիաընկերությունը սեպտեմբերի 20-ին չկատարեց վճարում և չնվազեցրեց կուտակած պարտքը, «Արմենիա Միջազգային Օդանավակայաններ» ՓԲԸ-ն ուղևորների շահից ելնելով, ինչպես նաև, հաշվի առնելով, Հայաստանի Հանրապետության անկախության առաջիկա տոնակատարությունները, որոշեց ժամը 18:00-ից վերականգնել Արմավիայի չվերթերի սպասարկումը:
Չվերթերի սպասարկումը կդադարեցվի սեպտեմբերի 24-ին, երկուշաբթի օրը, եթե մինչ այդ չլինեն վճարման եւ պարտքի նվազեցման հստակ երաշխիքներ»:
