Յուրգեն Կլինսման. Բորուսիան և Մանչեսթեր Սիթին կարող են հաղթել Չեմպիոնների լիգան
Գերմանիայի ազգային հավաքականի և Մյունխենի «Բավարիայի» նախկին, իսկ այժմ ԱՄՆ-ի ազգային հավաքականի գլխավոր մարզիչ Յուրգեն Կլինսմանը խոսել է վաղը մեկնարկող Չեմպիոնների լիգայի մասին:
«Դորտմունդի «Բորուսիան» և «Մանչեսթեր Սիթին» այն ակումբներն են, որոնք կարող են անակնկալ մատուցել և հաղթել Չեմպիոնների լիգան: «Սիթին» իմ կարծիքով ավելի ուժեղ է, քան օրինակ՝ «Չելսին»: Ինչ վերաբերում է «Դորտմունդին», ապա նրանք պետք է գիտակցեն, որ Չեմպիոնների լիգան այլ մրցաշար է և տարբերվում է Բունդեսլիգայից:
Շատ կարևոր պահ է ճիշտ ժամանակին լավ մարզավիճակում հայտնվելը: Անհնար է ողջ մրցաշրջանի ընթացքում բարձունքի վրա լինել: Կարևորը, որ լավ ելույթները լինեն պատասխանատու հանդիպումների ժամանակ», – Կլինսմանի խոսքերն է մեջբերում Goal.com կայքը:
Մարզական լրահոսն ապահովում է SportArmenia.com-ը
