Միլանը հետաքրքրվում է Այաքսի կիսապաշտպանով
Իտալական «Միլանը» հետաքրքրություն է ցուցաբերում հոլանդական «Այաքսի» կիսապաշտպան Դևի Կլասենի նկատմամբ: Այս մասին տեղեկացնում է Goal.com-ը:
Կլասենը, ով հաճախ համեմատվում է Դենիս Բերգկամպի հետ, կարող է հաջողությամբ գործել նաև հարձակման գծում: Նա «Այաքսի» հիմնական կազմում իր նորամուտը նշել է Չեմպիոնների լիգայի անցած խաղարկության «Լիոնի» հետ խաղում:
19-ամյա ֆուտբոլիստի պայմանագիրն ամստերդամյան ակումբի հետ ուժի մեջ է մինչև 2016թ., իսկ նրա հնարավոր տրանսֆերի արժեքը գնահատվում է 7 մլն եվրո:
Մարզական լրահոսն ապահովում է SportArmenia.com-ը
