Տրանսֆերի պահանջն իմ ամենամեծ սխալն է ֆուտբոլային կարիերայի ընթացքում. Ուեյն Ռունի

«Մանչեսթեր Յունայթեդի» հարձակվող Ուեյն Ռունին իր ինքնակենսագրականում խոստովանել է, որ 2010թ.-ի սեպտեմբերին իրեն վաճառքի հանելու պահանջն ամենամեծ սխալն էր իր ֆուտբոլային կարիերայի ընթացքում:

«2010թ.-ի սեպտեմբերին ես չէի խաղում ոտնաթաթի վնասվածքի պատճառով: Ես հիասթափված էի ինձնից և իմ ցուցադրած խաղից: Չէի կարողանում լավ մարզավիճակ հավաքել և շատ էի անհանգստանում դրա համար: Այդ ժամանակ գործեցի ֆուտբոլային կարիերայիս ամենամեծ սխալը: Հոկտեմբերին հայտարարություն արեցի, որով կասկածի տակ դրեցի իմ ապագան «Օլդ Թրաֆորդում»: Մտածում էի՝ ինձ համար ավելի լավ կլինի այլ ակումբում: Դրանից հետո մարզիչն ասաց. «Երբեմն նայում ես դաշտին և տեսնում ես կով: Դու մտածում ես, որ այն ավելի լավն է, քան՝ քոնը: Սակայն դա այդպես չէ»: Ֆերգյուսոնն իրավացի էր: Ես և ակումբը ցանկանում ենք նույն բանը՝ հաջողության հասնել և տիտղոսներ նվաճել», – Ռունիի խոսքերը մեջբերում է The Independent-ը:

Հիշեցնենք, որ տրանսֆեր խնդրելուց ընդամենը մի քանի օր անց Ռունին ներողություն խնդրեց և 5-ամյա պայմանագիր կնքեց «Մանչեսթեր Յունայթեդի» հետ:

Մարզական լրահոսն ապահովում է SportArmenia.com-ը