Բեռլուսկոնին որոշել է վաճառել «Միլանը»
«Միլանի» նախագահ Սիլվիո Բեռլուսկոնին իտալական հեռուստատեսության եթերում խոսել է ակումբը վաճառելու մասին: Ըստ նրա՝ նախագահի վերջին որոշումը պետք է հաշվարկված և իմաստուն լինի:
«Ակումբը պետք է լինի այնպիսի ձեռքերում, որ միջոցներ ներդնելով՝ հաջողության հասնի: Հարցն այն ներդրողների մեջ է, որոնք կարող են ամեն տարի գումար ներդնել «Միլանում»:
Մենք նայում ենք Չինաստանի ուղղությամբ: Ակումբի հավանական գնորդները դիտարկում են Բեռլուսկոնի ազգանունը՝ որպես բրենդ: Այսինքն՝ ես կմնամ այստեղ»,- նշել է հայտնի քաղաքական գործիչը:
Սիրարփի Աղաբաբյան
