Ադրբեջանը խոշոր հանգույց կստեղծի Չինաստանից Եվրոպա ապրանքների տարանցման նպատակով
«Ադրբեջանական երկաթուղիներ» ՓԲԸ-ի ղեկավարությունն ու գերմանական DHL ընկերության ղեկավարությունը պայմանավորվածություն են ձեռք բերել Ադրբեջանում ստեղծել խոշոր լոգիստիկական հանգույց, հայտնում է Trend-ը՝ վկայակոչելով ՓԲԸ-ի մամուլի ծառայության ղեկավար Նադիր Ազմամեդովին:
Նրա խոսքով՝ պայմանավորվածությունը ձեռք է բերվել Ստամբուլում՝ երկու կողմերի պատվիրակության հանդիպման արդյունքում:
«Այդ հանգույցում կկենտրոնացվեն Չինաստանից եկող բեռները, որոնք հետագայում պետք է տեղափոխվեն Թուրքիա, Եվրոպա, Ռուսաստան և այլ երկրներ»,- հայտնել է Ազմամեդովը:
Հանդիպման արդյունքով՝ կողմերը ստորագրել են մտադրությունների մասին արձանագրություն:
