Ջեյմս Ուորլիքը ականի լուսանկար է հրապարակել
ԵԱՀԿ Մինսկի խմբի ամերիկացի համանախագահ Ջեյմս Ուորլիքը Twitter-ի իր միկրոբլոգում հրապարակել է 120 մմ տրամաչափի ականի լուսանկար:
«Սա 120 տրամաչափի ական է, որը, ինչպես հաղորդվում է, օգտագործվել է Լեռնային Ղարաբաղի հակամարտության ժամանակ: Նման լարվածությունն անթույլատրելի է»,- գրել է Ուրոլիքը միկրոբլոգում:
ԵԱՀԿ Մինսկի խմբի ամերիկացի համանախագահը գրել է, որ կոնֆլիկտի երկու կողմերն էլ՝ Հայաստանն ու Ադրբեջանը, հայտնում են ականների ու ծանր զինատեսակների օգտագործման մասին:
«Եթե դա ճշմարիտ է, ապա դա վտանգավոր լարվածություն է: Մենք պետք է աշխատենք Լեռնային Ղարաբաղի խաղաղության համար»,- գրել է Ուորլիքը:
