Թուրքիայի վարչապետ կդառնա Ահմեթ Դավութօղլուն. Աբդուլլահ Գյուլ
Թուրքական Anadolu լրատվական գործակալության փոխանցմամբ` Թուրքիայի գործող նախագահ Աբդուլլահ Գյուլը հայտարարել է, որ ամենայն հավանականությամբ Թուրքիայի վարչապետ կդառնա Ահմեթ Դավութօղլուն: Գյուլն ընդգծել է, որ իրենք աջակցելու են նրան:
Գյուլն այդ մասին հայտարարել է «Չանքայա» նախագահական նստավայրում իր հրաժեշտի արարողության ժամանակ, որին ներկա են գտնվել գործարարներ, արվեստագետներ, գրողներ, լրագրողներ և քաղաքացիական հասարակության ներկայացուցիչներ:
Գյուլը հիշեցրել է, որ ինքն է Դավութօղլուին բերել քաղաքական դաշտ և պետական գործունեության: Գյուլի նախագահական լիազորությունների ժամկետն ավարտվելու է օգոստոսի 28-ին:
