Երեկ երեկոյան Գյումրու լրագրողների «Ասպարեզ» ակումբի ղեկավար Լևոն Բարսեղյանը ֆեյսբուքյան իր էջում գրել էր, որ Գյումրու ավագանու անդամ Արման Բաղդասարյանին ոստիկանները փողոցում գետնին են պառկեցրել, ձեռնաշղթաներ հագցրել, բերման են ենթարկել ոստիկանության «Կումայրի» բաժին, հետո բաց են թողել: Նշել էր, որ մանրամասներն ավելի ուշ կհայտնի, սակայն թող մարդիկ չսպասեն, որ «02» հաղորդաշարով կտեսնեն:
Երեկ՝ սեպտեմբերի 25-ին, հանրապետության մի շարք համայնքներում, այդ թվում՝ Շիրակի մարզի Անի խոշորացված համայնքում տեղի ունեցան Տեղական ինքնակառավարման (ՏԻՄ) ընտրություններ:
