ԱԺ «Հայաստան» խմբակցության պատգամավոր Գեղամ Մանուկյանը 168.am-ի հետ զրույցում հայտնեց, որ 2023 թվականի նոյեմբեր-դեկտեմբեր ամիսներին Աշխատանքի և սոցիալական հարցերի նախարարությունն Ազգային ժողով էր բերել սոցիալական ոլորտում փոփոխությունների օրենսդրական մեծ փաթեթ, և Աղվան Վարդանյանը նկատել է, որ փորձել են զինծառայողների սոցապահովությանն առնչվող օրենքում փոփոխություն կատարել, արդյունքում՝ Արցախի Հանրապետության նախագահի կողմից առաջին և երկրորդ աստիճանի «Մարտական խաչ» շքանշանի, ինչպես նաև Արցախի հերոսի կոչմանն արժանացած անձինք դուրս են մնում օրենքով նախատեսված նյութական փոխհատուցման ամբողջ համակարգից:
Պատերազմից հետո 2 տարի Նիկոլ Փաշինյանը և նրա թիմը հասարակությանը համոզում էին, որ 44-օրյա պատերազմը, պարտությունից բացի, չէր կարող այլ ելք ունենալ, քանի որ մեր դեմ միայն Ադրբեջանը չէր կռվում: Եվ այս հարցում անմիջապես պատերազմից հետո Նիկոլ Փաշինյանը ստացավ ռազմական ղեկավարության «աջակցությունը»՝ ըստ էության, ապահովագրելով իրեն: Գուցե իրեն բնորոշ խորամանկությամբ, գուցե:
