Երեկ Կառավարությունը հերթական նիստում որոշում ընդունեց ևս 2 ամսով երկարաձգել արցախցիներին տրամադրվող 40.000 դրամ աջակցությունը։ Այս որոշումից առաջ արցախցիներն Ազատության հրապարակից արդեն հանել էին իրենց շտաբ-վրանը, ինչն արժանացավ բազմաթիվ մարդկանց քննադատությանը, թե արցախցիների իրավունքների պաշտպանության խորհուրդը, որը մարտի 29-ին վրանը տեղադրել էր՝ հետքայլ արեց ու զիջեց ՀՀ կառավարությանը։
