Մկրտիչ Մարգարյանի բազմանդամ ընտանիքը բնակվում է Կոտայքի մարզի Կամարիս գյուղում։ 6 անչափահաս երեխաները՝ 3 տղա և 3 աղջիկ, Մկրտիչ Մարգարյանն ու կինն ապրում են երկու գոմերին կից մի կառույցում՝ այն տուն անվանել չեն կարող, քանի որ այդ «կառույցի» ներսում տարրական պայմաններ չկան։ Գոմից գրեթե ոչնչով չտարբերվող այս կառույցում կա 2 մահճակալ, մի քանի աթոռ, փոքրիկ սեղան, կիսախարխուլ մի պահարան, և վերջ։
«Ես չեմ հասկանում, Կառավարությունը ի՞նչ հիմքով է որոշել, որ սահմանամերձ գյուղում բնակվող անապահով ընտանիքի անչափահաս երեխու նպաստը կտրի»,- 168.am-ի հետ զրույցում իր դժգոհությունը հայտնեց Գեղարքունիքի մարզի Սոթք գյուղի բնակիչ Արմեն Մարտիրոսյանը։
Արմենը 168.am-ի հետ զրույցում նեղսրտեց, որ սոցիալական ծանր վիճակին զուգահեռ՝ նաև առողջական խնդիրներն են գլուխ բարձրացրել։ Ճիշտ է, բուժումը պետպատվերի շրջանակներում պետք է իրականացվի, բայց մայրաքաղաք հասնելու գումար էլ չունի․
