«Նորաձև խաղացողներից ոմանք կորչում են, ոմանք՝ դառնում հանճարեղ». Ռամոսը՝ Սալահի մասին
Մադրիդի «Ռեալի» ավագ Սերխիո Ռամոսը խոսել է այսօր կայանալիք Չեմպիոնների լիգայի եզրափակչի և մրցակցի առաջատար ֆուտբոլիստ Մուհամեդ Սալահի մասին:
«Մեսսին և Ռոնալդուն ամբողջությամբ այլ ուղեծրում են: Որոշ ֆուտբոլիստներ լինում են նորաձև: Նորաձև ֆուտբոլիստներից ոմանք կորչում են, ոմանք՝ դառնում հանճարեղ:
Սալահը անհավանական խաղացող է: Կտեսնենք՝ ինչպես ամեն ինչ կդասավորվի»,- ասել է Ռամոսը:
Սերխիո Ռամոսը նաև խոսել է Չեմպիոնների լիգայի եզրափակչի մասին: «Եթե «Ռեալը» հաղթի Չեմպիոնների լիգան, կխամրեցնի «Բարսելոնայի» ոսկե դուբլը: Նրանք արժանիորեն հաղթել են այդ երկու մրցանակները, բայց երբ քո անմիջական հակառակորդը հաղթում է Չեմպիոնների լիգան, ամեն ինչ փոխվում է:
Դրական է այն, որ մեր բոլոր ֆուտբոլիստները ստացել են խաղաժամանակ և շատ թարմ են մոտենում եզրափակչին: Զիդանը կունենա կասկածներ կազմն ընտրելիս, բայց մեզ դուր է գալիս նրա անկանխատեսելիությունը: Բոլորը չէին հավատում մեզ և ասում էին, որ մրցաշարը կհաղթի մեկ ուրիշը, սակայն մենք փակեցինք բոլորի բերանները»,- նշել է Ռամոսը:
Սիրարփի Աղաբաբյան
