Տասնյակ հազարավոր զբոսաշրջիկներ չեն կարողանում մեկնել Բալիից հրաբխի ժաքթման պատճառով
![](https://168.am/wp-content/uploads/2017/11/913871.jpg)
Ինդոնեզիայի Բալի կղզում տասնյակ հազարավոր զբոսաշրջիկներ են կուտակվել Ագունգ հրաբխի ժայթքման պատճառով փակված միջազգային օդանավակայանում, որոնք հույս ունեն մեկնելու տուն, նրանց թիվը մշտապես աճում է, իրադարձության վայրից հաղորդել է Associated Press գործակալությունը։
Օդանավակայանի լուսատախտակը վկայում է հարյուրավոր ավիաչվերթերի չեղարկման մասին, տեղեկատվություն է ստացվում, որ դեպի Բալի հանրահռչակ առողջարանային կղզի չվերթերն օդում հետ են դարձնում եւ ուղարկում Ջակարտայի, Սինգապուրի, այլ քաղաքների օդանավակայաններ:
Օդանավակայանը փակ է նոյեմբերի 27-ի տեղական ժամանակով 06:00-ից (Երեւանի ժամանակով 02:00-ից): Փակման որոշումը կայացվել է այն բանի կապակցությամբ, որ հրաբխի ժայթքման հետեւանքով գոյացած մոխրի շերտը հասել է օդանավակայանի օդային տարածություն:
Իշխանությունները պահանջել են տարահանել հրաբխի շրջակա բնակավայրերը: «Հրաբխի ժայթքման պատճառով վտանգի աստիճանը հասցվել է ամենաբարձրին»,- հայտարարել է երկրի գլխավոր հրաբխագետ Գեդե Սուանթիքան, հաղորդել է «Ինտերֆաքս»-ը: