Երևանում վարկերի տոկոսները ցածր են, իսկ մարզերում՝ աստղաբաշխական. «Հայկական ժամանակ»
«Հայկական Ժամանակ» թերթը գրում է. «ՀՀ կենտրոնական բանկի հրապարակած մարտ ամսվա տեղեկագրի համաձայն՝ այս տարվա մարտին ՀՀ առևտրային բանկերի կողմից իրավաբանական անձանց տրամադրված դրամային վարկերի միջին տոկոսադրույքը կազմել է 12.6 տոկոս:
Դոլարային վարկերի տոկոսադրույքը կազմել է 9.8 տոկոս: Ֆիզիկական անձանց տրամադրված վարկերի միջին տոկոսադրույքը համապատասխանաբար 19.2 և 13.1 տոկոս է: Խոսքը միջին տոկոսադրույքների մասին է: Երևանում տոկոսները ցածր են, իսկ մարզերում ուղղակի աստղաբաշխական են: Իրավաբանական և ֆիզիկական անձանց տրամադրված 1-5 տարվա դրամային վարկերի միջին տոկոսադրույքը կազմել է 19.2 տոկոս, դոլարայինը 16.8 տոկոս: Թե ինչ բիզնեսով են զբաղվում այսպիսի տոկոսադրույքով վարկեր վերցրած ու դեռ չսնանկացած տնտեսվարողները, երևի ժամանակակից տնտեսագիտության հետազոտական լրջագույն թեմա է»:
Ամբողջությամբ կարող եք կարդալ «Հայկական Ժամանակ» թերթի այսօրվա համարում:
