Հարավային Կորեայի նախկին նախագահին մենախուց են նստեցրել
Հարավային Կորեայի նախկին նախագահ Պակ Կըն Հեին կալանքի տակ են պահում մեկուսարանի մենախցում: Այդ մասին հայտնել է Associated Press գործակալությունը:
Նշվում է, որ, ի տարբերություն մյուս կալանավորների, Կորեայի Հանրապետության նախկին ղեկավարն ունի առանձին ցնցուղ եւ զուգարան:
Սովորաբար բանտի մենախցի տարածքը չի գերազանցում 6,56 քառակուսի մետրը, սակայն, Reuters-ի տվյալներով, բացառված չէ, որ Պակ Կըն Հեի խուցը չափով փոքր-ինչ ավելի մեծ է:
