SpaceX-ը պատմության մեջ առաջին անգամ Falcon 9-ն արձակել է օգտագործված աստիճանով
SpaceX ընկերությունն իրականացրել է Falcon 9-ի արաձակումը, որի առաջին աստիճանն արդեն ուղեւորվել էր տիեզերք, տեղեկացնում է The Verge-ին: Ծանր տանող հրթիռը՝ SES-10 բազմանպատային հեռահաղորդակցական արբանյակով, մեկնարկել է Քանավերալի հրվանդանից (Ֆլորիդայի նահանգ):
Հրթիռը մեկնարկել է մարտի 30-ին ժամը 18:27-ին (Երեւանի ժամանակով մարտի 31-ի 02:27-ին), հաղորդել է Reuters-ը: Ինը րոպե անց առաջին աստիճանը հաջողությամբ վայրէջք է կատարել Ատլանտյան օվկիանոսում գտնվող հարթակին:
SpaceX-ի հիմնադիր Իլոն Մասքը Falcon 9-ի հաջող արձակումը գնահատել է «հեղաշրջում տիեզերական թռիչքների բնագավառում»: «Դա նշանակում է, որ կարելի է կրկնակի օգտագործել արագարարի առաջին աստիճանը՝ տանող հրթիռի ամենաթանկ մասը»,-ասել է նա:
