Սըր Ալեք Ֆերգյուսոնը կգլխավորի «Մանչեսթեր Յունայթեդը»
Մանկունյացիների երկրպագուների երազանքը կիրականանա, բայց միայն մեկ երեկոյի ընթացքում:
«Մանչեսթեր Յունայթեդի» լեգենդար մարզիչ Սըր Ալեքս Ֆերգյուսոնը կհիշի հին օրերը և «Կարմիր սատանաների» վետերան Մայքլ Կերիկին նվիրված ցուցադրական խաղում կընդունի «Մանչեսթեր Յունայթեդի» 2008 թվականի թիմը: Որպես մրցակից՝ հանդես կգա բոլոր աստղերի թիմը՝ Հարի Ռեդնափի գլխավորությամբ, ով ծանոթ է Կերիկին «Վեսթ Հեմում» աշխատելու ժամանակներից:
Հանդիպմանը կմասնակցեն այնպիսի ֆուտբոլիստներ, ինչպիսին են Փոլ Սքոուլզը, Ռայան Գիգզը, Սթիվեն Ջերարդը և Ֆրենկ Լեմպարդը: Կերիկի նախկին թիմակից Կրիշտիանու Ռոնալդուի մասնակցությունը հնարավոր է, բայց դեռ հաստատված չէ: Խաղը տեղի կունենա հունիսի 4-ին, «Օլդ Թրաֆֆորդում»:
Սըր Ալեքս Ֆերգյուսոնը ղեկավարել է «Մանչեսթեր Յունայթեդը» 1986-2013թթ.՝ մանկունյանցիների հետ հաղթելով 38 տիտղոս:
35-ամյա Կերիկը «Մանչեսթեր Յունայթեդի» կազմում հանդես է գալիս 2006 թվականից: Ֆուտբոլիստը հայտարարել է, որ կավարտի կարիերան ամռանը, եթե «Կարմիր սատանաները» չերկարաձգեն իր պայմանագիրը:
Sir Alex will manage the #MUFC team at @Carras16's testimonial! Harry Redknapp leads the All-Stars.
Tickets: https://t.co/wmZ4FynQc2 pic.twitter.com/zMDpqXQkHh
— Manchester United (@ManUtd) March 20, 2017
Պատրաստեց Անի Գաբուզյանը
