Լե Պենն ամրապնդել է առաջատարի դիրքերը Ֆրանսիայի նախընտրական հարցումներում
«Ազգային ճակատ» կուսակցության առաջնորդ Մարին Լե Պենը ամրապնդել է առաջատարի դիրքերը Ֆրանսիայի նախընտրական հարցումներում: Այդ մասին վկայում են հարցման արդյունքները, որն անցկացվել է OpinionWay ընկերության կողմից:
Հետազոտության տվյալների համաձայն՝ առաջին փուլում լե Պենի օգտին կարող է քվեարկել ընտրողների 27 տոկոսը, այս տվյալները չեն փոխվել անցած հարցման համեմատությամբ:
Միեւնույն ժամանակ լե Պենի գլխավոր մրցակիցը՝ Ֆրանսիայի Էկոնոմիկայի նախկին նախարար Էմանուել Մակրոնը, հավաքում է ձայների 24 տոկոսը՝ կորցնելով մեկ տոկոսային կետ: «Հառաջ» շարժման առաջատարի ցուցանիշների նվազումը տեղի է ունեցել ԶԼՄներում գույքային հայտարարագրի քննարկման ֆոնին, որը Մակրոնի կողմից տրվել է էկոնոմիկայի նախարարի պաշտոնում աշխատանքի տեղավորվելիս:
Anticor հակակոռուպցիոն շարժումն արդեն դիմել է համապատասխան ատյանին՝ պահանջելով ստուգել փաստաթուղթը, որում բերված տվյալները, ակտիվիստների կարծիքով, այնքան է չեն կապակցվում:
20 տոկոս ձայներով Լե Պենին եւ Մակրոնին հաջորդում է «Հանրապետականներ»ի թեկնածու, նախկին վարչապետ Ֆրանսուա Ֆիյոնը:
Երկրորդ փուլում «Ազգային ճակատի» առաջնորդը զիջում է ե՛ւ Մակրոնին (40 տոկոս՝ 60 տոկոսի դիմաց), ե՛ւ Ֆիյոնին (43 տոկոս՝ 57 տոկոսի դիմաց):
Ֆրանսիայի նախագահական ընտրութունները տեղի են ունենալու երկու փուլով՝ ապրիլի 23-ին եւ մայիսի 7-ին, հաղորդել է ՌԻԱ Նովոստին:
